सातारा : 

सातारा सांगली स्थानिक स्वराज्य संस्था विधान परिषदेची निवडणूक राष्ट्रवादी शरदचंद्र पवार पक्षाचे प्रदेशाध्यक्ष शशिकांत शिंदे हे ताकदीने लढवू शकतात. सध्याच्या राजकीय परिस्थितीमध्ये शिंदे यांनीच ही निवडणूक लढवावी, अशी मागणी कार्यकर्त्यांनी केली आहे.

स्थानिक स्वराज संस्थेच्या विधानपरिषदेची निवडणूक जाहीर झाली असुन 18 जुन रोजी मतदान आहे . मागील अनेक वर्षापासून ही जागा राष्ट्रवादी काँग्रेस पक्षाने लढवली आहे आणि जिंकली सुद्धा आहे . आताच्या परिस्थितीत राष्ट्रवादी पक्ष दोन वेगवेगळे गटात विभागले आहेत, त्यामुळे त्यांची मतांची बेरीज ही विभागली गेली आहे . सध्याच्या परिस्थितीत राष्ट्रवादी पक्षाला निवडणुक लढवायची असेल आणि जिंकायची असेल तर सर्व पातळीवर सक्षम उमेदवार पाहिजे तसेच उमेदवाराने इतर पक्षातील नेत्यांशी समन्वय साधुन मतांची बेरीज केली तरच निवडणूक विजयापर्यंत लढवली जाऊ शकते . अशा वेळी राष्ट्रवादी पक्षाकडून फक्त शशिकांत शिंदेच ही किमया करू शकतात.

सातारा सांगलीतील सर्व पक्षातील नेते व स्थानिक स्वराज्य संस्थेचे बहुतांश मतदार आश्वासक व सर्वसमावेशक नेतृत्व म्हणून फक्त शशिकांत शिंदे यांनाच सकारात्मक प्रतिसाद देऊन विजयी करू शकतील म्हणून राष्ट्रवादी काँग्रेस पक्षाला सर्व पातळीवर सक्षम उमेदवार फक्त शशिकांत शिंदे होऊ शकतात. इतर उमेदवार कोणीही दिला तर भाजप सारख्या बलाढ्य पक्षाशी लढणे त्याला सोपे नाही . या सर्व बाबींचा विचार करून शशिकांत शिंदे यांनीच विधानपरिषदेची उमेदवारी करावी, अशी राष्ट्रवादी पक्षाचे प्रामाणिक व एकनिष्ठ कार्यकर्ते म्हणून आमची मागणी आहे .अशा मागणी नवनाथ साबळे ,गिरीश फडतरे , विनायक बर्गे ,विनोद पवार व कार्यकर्ते यांनी केली आहे.